orientalis sibi dabitur cum o. a., que sibilabit, et suis pullis et aquile
iniuriam sibi factam dicet. Tunc aquila cum suis partibus contra leonem
veniet cum armata manu forti. Tunc erit tanta cesio et strages
sanguinis, qualis non fuit a principio mundi, ex quo gygantes fuerunt,
usque tunc. Tunc leo pugnabit cum suo agmine, tunc avaricia discooperietur,
tunc flos ex toto desiccabitur, et tunc bos cornua amittet et
interficietur. Philosophya et turris devastabitur. Tunc leo devincetur,
nec sibi sponsus proficiet, sed in exilium fugiet, nec invenietur leo. Iterum
vires resumens pugnabit quantum poterit et interficietur. Tunc
erit mors valida in eternum. Tunc sponsa adulterabitur et duos sponsos
habebit, sed unum adulterum. Eneades destruetur, et nomen Dei blasphemabitur.
Sibilabit aquila et deos alienos habebit; sibilabit aquila,
nec sibi resistetur. Pars floris anichilabitur, nec sibi aliquid poterit resistere
nisi Deus deorum. Cauda detruncabitur, et aquile frenum
habebunt.
Grifo regalis, genitus in Francia, virtuosus terribilis et potens veniet
in orientem; nigrescet eius color, et a se fracta eius cauda, que
eum incredibiliter secuntur, et transiens cum Lombarda gente grifoni
unita, undique timebunt animalia et volantes; qui precedet in Enéadem,
que coronabilis ei existet. Et inventa vipera ad rectum significatum
sibilabit grifo. Relicta vero vipera in cavernis a duobus brachiis et
grifo sociatus a multis simul pugnabunt. Vipera inde longissima recipiet
visionem et stragem, remanebitque grifo in illius cavernis, et
non in longitudine dominabitur grifo animalia et volatilia. Falcones
ante eum pennas amittent, redibitque ad florem grifo, terrarum duarum
nominum circumdabit. Pars imperialis undique denudabitur. Et ve tibi,
civitas divitiarum et ornata gens! S[ena] non gaudebit, nisi futura spe.
Tunc gaudeat sponsus et Ecclesie pillares, quia non diu multiplicabuntur
in gaudium. Gaudebit diabolica que pars ecclesiastica vocabitur, denudabitur
ab ea altera, et translapidabit ecclesias. Auditis multis ex his
que continentur in libris prophetarum. Surget quoddam animal diversimodi
coloris et nature, quod leopardus vocabitur, et natum ex aquila
aquilonis, continens rufum colorem, continens alas aquile, continens
rostrum pellicani, continens oculos avis declarantis infirmi sanitatem,
continens caudam leonis, continens cor et vires leonis. In capite aureum
signum continens, volens omnes subiugare. Cuius subtilissima est expositio
et similitudo. Audito de grifone veniet contra eum et transcendet
Apeninos montes, ubi tunc denudati gaudebunt. Tunc exultatio
imperialis renovabitur, adiungetque se grifoni; licetque parvus leopardus,
viribus tamen magnus, sternetque grifonem et eum fugabit.
|
|