Saba Malaspina: Rerum Sicularum libri

Pag 367


transeundo exercitu ....insidentes absque quietudine,
transtris invigilant, alii cito vela solventes,
et remos alii cum manu violenti impellentes
galeae simul disjunguntur, et naves, quas
nec remigare cerneres catervatim, et velis classem
recedere non aequatis, sed impariter et inexpectata
conserva, modo transfretare, modo
refretare, ut reliquos non dimittant.
CAP. XVIII
CONSTITUITUR AD RECOLLIGENDUM EXERCITUM.
Ne autem gens minuta Messanae relinqueretur
exercitus....cum jam contra regios confortati
et animati forent, ipsius exercitus dissolutione
perspecta, rex ad recolligendum populum,
et custodiendum eos, qui ad citrafretandum
ultimo remanerent, comiti Burgundiae provide
ordinavit, fecitque fieri juxta littus maris in plagia,
ubi vasselli recolligebant viros in altum,
vallorum et trabium ambitum per circuitum aggeribus
convallatum, ut dum reliqui cum dicto
comite ad recolligendum ultimos excubarent,
officium datum erat, se suaque in dicto objecto
ambitu possint salubriter receptare. Nonnulli
sane debiles, ut praevenire possent in recedendo
alios, dimittebant arnesia, intendentes tantum
ad salvandas personas, non res, aut quia per
transvectionem nautica impietas illam mercedem
aliquando exigebat, quae majoris erat, quam
res transeundae, valoris, sicque regio jussu supellectilia
multa, frumentationes, et nonnulli parvi
equi, pro quorum cujuslibet portatura unam unciam
et nonnumquam duas nautica crudelitas
exegerat, Messanensium manibus relinquuntur.
Quamplures vero nolentes suos equos vivos ipsorum
Messanensium usibus applicari, illos gladio
perforabant. Insuper lignamina multa rudia et
alia levigata pro diversis obsidionis operibus,
quae a Calabria fuerant transportata, in quantitate
non modica remanserunt in castris. Rex
ipse propterea ultimus in citrafretando non fuit,
quem forsitan dominam suam consortem congruum
erat sequi. Postquam igitur totus regis
exercitus citra Pharum transvectus est, rex ipse
Tuscis, Lombardis, et regnicolis, qui gratuito
convenerant, aut ex servitio debito, redeundi licentiam
impartitus, substitit in regno cum Gallicis.
CAP.
XIX
Rex Aragonum Messanam ingreditur.
Rex Aragonum, post solutionem exercitus
Gallicorum, Messanam applicuit; classis ejus
intravit portum postmodum subsequendo. Verum
dum Provincialium, Pisanorum, et illorum de
Principatu, et de Terra Laboris galeae proprios

Torna all'inizio