studium redire non tardes, quoniam sapienciam Salamon regnis preposuit
et sedibus universis.
Rescriptiva. Quoniam consequi nequit effectum conceptum persepe
propositum et suis affectus viribus vacuatur, quam tibi feci promissionem,
quod refero dolens, ad cupitum finem demandare non potui, que mea
consideratio non previdit pluribus implicitus et diversis. Nec remissionem intervenisse consideres, verum accessit affectui quod effectui derogatur, et
quod haberem carius, impossibilitatis obiectu forcius concupisco. Quare videns quod nulla potest tempus restituisse dies, tempus elapsum perdidisse
contristor; si se paraverit posse, desiderans dampnum preteriti temporis restaurare qualitercumque compensatione futuri.
210. Comune ad Comunem quod satisfaciat suis civibus de soldis quos eis dare tenentur. Cum aliorum non deceat indigentes plerumque.
Rescriptiva. De civibus vestris fiduciam integram.
211. Comune alicuius terre ad aliquem principem vel baronem quod sibi subveniat
in honorabili militum quantitate. Exsecrabilis inimicorum nostrorum
elatio.
Rescriptiva. Grandis devocionis indicia multaque fidelitatis.
212. Deprecatoria generalis. Electa dudum ex gratie vestre fonte.
Rescriptiva. Cum ab eo qui retributionis impendium.
213. Scolaris ad dominum quod sibi subveniat.
In scripture presentis audacia digna possum ratione redargui,
cum proverbium videar sequi, quo dicitur: Villanus porrigenti
digitum palmum auferre conatur. Sed certe certe si beneficia cuncta recolerem, que tam libere, tam gratanter postquam ad studium veni michi
vestra dominatio contulit, non deberem quoquomodo presumere paternitatis vestre gratiam amplius implorare. Ceterum cum, ceu fomentum
a radice discurrit in arborem, vita mea procedat a vobis, paternitati
vestre devotissime supplico, quatinus in aliquo michi subvenire velitis,
ut cum honore perficiam studium inchoatum.
Rescriptiva. Gaudeo plurimum si postquam ad studium properasti
contuli grata tibi, quem semper inveni meis beneplacitis expeditum.
Et cum corde puro desiderem quod sciencia debeas informari, tibi
per... latorem precencium X libras gratioris provisionis non adempto proposito statuo transmittendas, te rogans attente quatinus te studio taliter
dare procures, quod fructum studii consequaris tuique dilecti libencius
ad subveniendum tibi dexteram liberalitatis extendant.
214. Frater ad fratrem quod consulat sibi si vult quod uxorem accipiat in aliena
terra cum habere possit. Fraterna caritas nature debito suggerente.
Rescriptiva. Cum ad vota disligari matrimonii ligatura.
Rescriptiva quod non contrahat matrimonium. Si dulcis amor patrie cunctos.
215. Comune ad Comunem quod concedat aliquem locum quibusdam religiosis. Cum
inter cetera Deo grata.
Rescriptiva. Honores nostros augeri conspicimus.
216. Invitat domicellus amicum suum quod veniat
ad eum cum assumat ordinem militarem. Quoniam in oblivionis excessu.
Deprecatoria generalis. Non debet oblivio tuam hebetare
memoriam.
|
|