Guido Faba: Ars dictaminis

369


CLVII.
Quid sit imago.
Imago est forme cum forma digna collatio; ut «Christus
tamquam ovis ad occisionem est ductus».
CLVIII.
Quid effectio.
Effectio est corporalis forme per verba expressio; ut
«David erat rufus, stature mediocris, et subcrispus».
CLVIIII.
Quid sit notatio.
Notatio est cum alicuius natura describitur certis signis,
ut si dicam: «Iste iactanter defert annulum gemmatum»
vel «demonstrat».
CLX.
Quid sit sermocinatio.
Sermocinatio est, cum alicui persone sermo conveniens
attribuitur, ut si Christus dicat: «Ego sum lux mundi».
CLXI.
Quid sit conformatio.
Conformatio est cum nova persona vel res nominata introducitur
ad loquendum, ut si terra dicat: «Ego sum magna
parens».

Torna all'inizio