Salimbene de Adam: Cronica

Pag 730


Reginum pro sex mensibus, scilicet a Kalendis Iulii usque ad
Kalendas Ianuarii. Et eodem anno, tempore dicti potestatis,
illi de Besmantua evitaverunt mandata potestatis et communis
Regii. Et dictus dominus Ugolinus de Rubeis, capitaneus populi
Regii, primo intravit ad offitium capitanarie et stetit primo super
domum condam domini Guidonis Gaii de Robertis. Et eodem
anno captum fuit castrum Fornovi a Cremonensibus. Et multe
terre a patriarcha de Aquilegia et ab illis de Turre capte fuerunt
in districtu Mediolani et magna multitudo hominum.
De pace Bononie que hoc anno facta fuit per cardinalem Latinum.
Et pax Bononie fuit facta per fratrem Latinum, nepotem
domini pape Nicholai tertii, legatum et cardinalem in Lombardia
et Tuscia.
Anno Domini MCCLXXIX, indictione VII, captus fuit quidam
lupus muçus qui devorabat pueros in episcopatu Regino.
Et eodem anno, in mense Februarii, dominus Thomasinus de Gorçano
et illi de Bançola furtive ceperunt petram de Besmantua
et expulerunt illos de Besmantua et habuerunt robam et victualia
et alias res que erant super predictam petram. Et eodem
mense restituerunt predicti invasores in manibus militis potestatis
Regini pro communi Regino pro mille libris rexanorum,
quas solvit eis.
De obitu domini Aimerici de Palude. Et de pace illorum de Turre et de Laude
cum Mediolanensibus.

Et eodem anno in mense Martii obiit dominus Aymericus
de Palude in civitate Parme. Et sepultus fuit in loco fratrum
Minorum de Parma, et magnum honorem habuit a Parmensibus
in morte et sepultura sua. Et eodem anno pax illorum de
Turre et de Laude cum Mediolanensibus facta fuit in mense
Februarii seu Martii, in principio dicti mensis. Et in civitate

Torna all'inizio