Reatinus salutem tanquam patri reverentiam debitam et devotam»; vel aliter
«salutem in Domino Iesu Christo et se ipsum ad omnia servitia cum caritate»;
vel aliter «sincere caritatis pium affectum in Eo qui est salus omnium».
[X] 21. Episcopis ita scribitur: «Venerabili in Christo patri tanquam
domino suo S. Dei gratia episcopo, R. eadem gratia licet indignus Reatinus
episcopus in vero salutari salutem»; vel aliter «Deum deorum in Syon»; vel
aliter «salutem eterne Ierusalem gaudia peroptata»; vel aliter «vitam bonam et
exitum meliorem»; vel aliter «gratia sancti spiritus».
[XI] 22. Abbati ita scribitur: «Reverendo in Christo patri et domino,
domino S. Dei gratia abbati Casinensi, R. archipresbyter sancti Germani una
cum capitulo suo debite subiectionis reverentiam»; vel aliter «dignum in
Domino famulatum»; vel aliter «reverentie debitum»; vel aliter «cum prompta
subiectione ad omnia servitia subiacibiliter voluntatem».
[XII] 23. Archidiaconis religiosis ita scribitur: «Venerabili in Christo patri
sancte conversationis habitum induenti archidiacono Sancti Germani, S. cum
humili subiectione se ipsum totum»; vel aliter «cum prona et prompta voluntate
animi serviendi»; vel aliter «se ipsum totum in omni devotionis genere».
[XIII] 24. Aliis archidiaconis ita scribitur: «Viro prudenti et discreto domino
R. archidiacono Sancti Germani salutem cum omni subiectione quicquid
potest ad omnia servitia et mandata». Eodem modo scribitur aliis habentibus
similem dignitatem ut decano, archiepresbytero, preposito etc.: «quicquid potest
ad omnia servitia et honorem»; vel aliter «devotionis et reverentie famulatum»;
vel aliter «totum se sibi ad omnia servitia et mandata».
[XIV] 25. Comitibus ita scribitur: «Magnifico et egregio viro tanquam
domino S. Dei gratia et imperiali illustri comiti de …, B. devotus suus se
totum»; vel aliter «se ipsum totum cum totis affectibus intus et extra»; vel aliter
«in omni genere serviendi se ipsum totum».
[XV] 26. Baronibus ita scribitur: «Viro nobili domino S. de …»; vel aliter
«nobili et egregio viro domino R. de … salutem et se ipsum totum»; vel aliter
«debitum in omnia famulatum»; vel «se totum expositum ad mandata».
[XVI] 27. Magistris ita scribitur: «Viro prudentissimo, sapientissimo», vel
«famosissimo et discreto magistro S. sapientie titulis decorato, B. cum omni
reverentia se ipsum totum»; vel aliter «in omnem tanquam patri reverentiam»;
vel aliter «et quicquid patri filius»; vel aliter «in omnibus reverentiam filialem».
[XVII] 28. Militibus ita scribitur: «Nobili viro et amico karissimo S. de …
militi, R. miles de … salutem et id quod sibi»; vel aliter «et interioris hominis
puritatem»; vel aliter «cum sincero cordis affectu salutem».
|
|