Arnulfus Mediolanensis: Liber gestorum recentium

224


Susceptus est presul ille a clero et populo, utpote novarum
rerum usualiter avido. Cui etiam suffraganei idem ipsi, qui
Gotefredum consecraverant, manum benedictionis inponunt.
Res quidem mira et cunctis retro temporibus inaudita,
ut urbis unius uno electo antistite, sacrato altero uno
eodemque tempore tertius erumpat.
6. Erat tunc temporis Rome vir quidam nomine Centius,
qui propter iniuste possessas ecclesie facultates pape
Gregorio fuerat semper infestus. Hic autem pravo usus conscilio
nocte ipsa nativitatis dominice, cum in basilica sancte
Theodochos pater ille sanctus matutino iuxta morem peracto
nocturne misse celebraret oficium, cum gladiis et fustibus
e coniuratione magna suorum ense nudo ad capiendum
papam violenter irrupit ecclesiam instar Iude dominum
nocte tradentis. Cumque per diversa quesisset, invenit iuxta
altare domini sacerdotem mysteriis salutaribus intentum, in
quem violenter irruens distraxit ac dilaniavit quamplurimum
impositumque equo suam usque perduxit ad turrim clausum

Torna all'inizio