Guido Faba: Ars dictaminis

387


vestre paternitati insinuatione presentium patefiat» vel «vestra
dominatio recognoscat, vestram probitatem cupio non
latere» - «quod in studio litterarum Bononie persevero Dei
vestrique gratia faciente» vel «impendo conmendabiliter operam
scientie litterali» vel «insisto pro viribus scolasticis
disciplinis» vel «laboro iugiter ad inveniendum scientie
margaritam» vel «ad thesaurum inveniendum» vel «acquirendum
qui nullo potest pretio nummario conparari - quod
debitum sortietur effectum, quod finem sentiet gloriosum,
quod ad laudabilem exitum perducetur» vel «suis non poterit
effectibus spoliari» vel «privari effectibus» - «si
vestra favorabilis affuerit gratia, sine cuius patrocinio nihil
possum; si vester favor adesse ceperit et gratia salutaris;
si vestra liberalitas affuerit, que apparet necessitatis tempore
liberalis et postulantibus gloriosa; si vestra benignitas inspirante
domino, mihi manum porrexerit adiutricem» vel «mihi
non denegaverit subsidia opportuna» vel «mihi tanquam
suo clerico voluerit providere» vel «me suum fidelem et
devotum deserere noluerit, quem manus impositione promovit
ad ordines clericales» vel «cui deesse non potest sanguine
parentele» vel «nature et consuetudine exigente» vel «precipiente
divina lege pariter et humane». - «Cuius rei gratia»
vel «cuius rei causa» vel «quapropter, vobis qui
rnihi estis consilium singulare», vel «vestre persone que
multa sapientia et honestate relucet» vel «que mirabili
morum venustate corruscat» vel «que mihi est portus salutis
et refugium spirituale» - «precamina porrigo lacrimosa,
offero preces votivas, non desino preceps rogaminibus
aderere» vel «lacrimabiliter supplicare» vel «affectanter
supplico» vel «instanter postulo» - «ut me vestrum
habere per omnia dignemini commendatum», vel «me vestris
clericis dignemini aggregare», vel «me in vestrorum fidelium
numero dignemini computare» vel «providere in aliquo divine
pietatis intuitu et amore», vel «mei memoriam habeatis»;
vel «me nolit tam subito vestra dominatio a studio
revocare» vel «vocare ad propria; sed sic in studio pie subveniat
et misericorditer succurat benevolentia paternalis, officium

Torna all'inizio