Saba Malaspina: Rerum Sicularum libri

Pag 286


dura obsidione fidelium circumseptos, et
tandem, sicut lupus in subterranea cavea, captos,
puteus ille judicii et interitus, qui consuevit alios
absorbere consimiles, ad se traxit, et illorum
cuique numero XXIV mortis supplicium intulit
et ingessit. Hinc est quod geminatur ubilibet
subditorum fidelitas, et dum ubique per regnum
quilibet nititur per fidelitatis officia, concusso
rebellantium capite, complacere, ultro se contra
nondum reversos ad fidem parat, et in eos,
quos modica infidelitatis infamia forte notabat,
usurpabat sibi gladii potestatem; quo imprudenter
assumto, vel praesumto potius, quilibet habens
vel resumens jam potentiam aliqualem abuti
non metuit, sed hos absque prolatione sententiae
damnat et perdit, illos exorbat, alios mutilat
motu propriae voluntatis, quosdam spoliat,
quosdam revendit et fugat audax praesumtio plurimorum,
omnesque sibi jus in propria causa
dicunt, et bona fugientium et caesorum quasi licenter
occupant, et usque hodie nonnulli taliter
detinent ita occupata. Proinde majestas regia
diu quondam et varia infidelium persecutione jactata,
considerans quos ad laudem trahi non
poterat vindicta mediocrium et minorum, tum
pietatis remedio, tum indulgentia beneficio et
lenitate jussionum revocat ad se, si valeat, usquequaque
rebelles; ac, volens dignitatis suae potentiam
parere humanitati et justitiae, non dolori,
ne odiorum livor edax, qui totam contratam
sedula corrosione vastabat, luxuriaret ulterius
insolenter, subjectos, quos spontaneus poterat
sine bellico labore subigere, ad misericordiae
gratiam admittebat. Contra eos vero, qui,
erroris in coecitate contumaciter et voluntarie
persistentes, corruptae mentis experiri conabantur
proclivem ad pejora prioribus voluntatem,
quosque non poterat benignitatis mansuetudine
cohibere, taliter suae magnificentiae resistebat
objectu, quod rebellium obstinata protervia, et
furor ferventium animorum denuo in suis cautibus
tundebantur.
Cap. XVIII
Karolus Guillelmum Standardum in Siciliam mittit,
qui, suopte ingenio ferox, pluribus interfectis, Augustam
cum Gallis suis obsidet; quam quorumdam
civium proditione captam depopulatur, atque
incolas fere omnes neci tradit.
Destinat regalis providentia capitaneum in
Siciliam quemdam Guillelmum dictum Standardum,
cum electa comitiva equitum gallicorum.
Talem enim exigebat praelatum Siculorum docta
nequitia, quibus jam inest a natura rebellio
et facilitas querelarum. Hic enim Guillelmum vir
erat sanguinis, miles atrox, pugil ferox, saevusque
pugnator, contra infideles regios omni crudelitate
crudelior, et totius pietatis et misericordiae
vilipensor; coepitque hiante gula, velut lethifer
hydrus, lacus ranarum Siciliae circuire. Sed,

Torna all'inizio