Nicolaus registrator rogat magistrum P. de Vinea ut ipsum removeat ab
officio registrandi.
Etsi conceptum iam diutini temporis tractu propositum, quod torpentis
hucusque silentii sera perstrinxit, imprudentie rigor informat et negligentie
fere nota respergit, caute tamen macula purgatur inertie et imprudentie
sic livor abluitur, quo, quanquam scribentis aviditas hactenus sibi
quodammodo displicendo siluerit, salubrius tamen speravit et credidit, ut
tacentis coloni qualitas cognosceretur a fructibus, quam operum experimenta
suorum improvisa relatione iactantia testaretur. Reputavi decentius
alienis contiones detegi labiis, quam, per arrogantie vitiose suffragium,
que cuiuslibet oratoris deturpat officium, superstitiosius vestris
aspectibus accedendum. Sed ne reddar ulterius de mora culpabilis et de
|
|