instantius, cuius fota iuvamine plurimum convalescebat.
Hoc indignata cetera nobilitas partim tamen suorum amore
fidelium militibus sese consociat. Eodemque tempore multa
sompnia multaque narrantur in urbe prodigia. Cumque
civitas tali penderet in dubio, repentinus auditur in ea clamor
modica occasione conceptus. Fit ingens concursus omnium,
atrox pugna conmittitur per plateas et angulos, diu
certatur utrimque terris et culminibus. Demum militum
paucitas multitudine circumventa plebeia undique flammis
urgetur et ferro. Unde factum est, ut cum natis et uxoribus
propria tecta irati desererent. Quorum ut consuleret rebus,
archiepiscopus paucis interiectis diebus ab urbe discessit et
ipse, quibus etiam statim fiunt auxilio Marciani cum Sepriensibus.
/*
|
|