Guido Faba: Ars dictaminis

386


maiestati, triumphali vestre glorie invictissime, corone imperialis
celsitudinis et decoris, regali celsitudini, altitudini, sublimitati,
excellentie et magnitudini; vos sicut fideles subditos
et devotos commendamus cum omni promptitudine serviendi»;
vel «nos voce, corde et animo conmendamus, in omni genere
servitutis nos totis affectibus commendamus; a quo post Dominum
omnem cognoscimus gratiam et honorem, a quo id
quod sumus et erimus cognoscere volumus et debemus, qui
iusta poscentibus facilem prestat assensum, qui in se sperantes
non eiicit desolatos, qui afflictorum gravamina respicit oculis
pietatis, qui preces non differt inpotentium exaudire, in quo
post Dominum tota spes nostra consistit, de quo fiduciam
gerimus specialem». - «Sine dubitatione rogamus, humiliter
deprecamur, obsecramus; confidenter imploramus; secure, lacrimabiliter
exoramus» vel «duximus exorandum, suppliciter
rogitandum, propensius et humiliter flagitandum». - «Ut
nobis vestris filiis, nobis viris devotis, et nobis vestris fidelibus
aliqua demandetis que adimplere possimus et facere ad
vestram gloriam et honorem» vel «ad vestri honoris augmentum»;
vel «tales velitis a nostris iniuriis conpescere» vel
«talibus districte iniungere ut nos de cetero non debeant
molestare».- «Ut omnes, qui sub vestre iurisdictione consistunt,
de salubri protectione letentur» vel «sub vestre protectionis
umbra possimus, ut cupimus, respirare» vel «umbram
sentiamus gratitudinis et quetis», vel «in pace viventes
pacis auctorem laudemus, qui per vestram personam consulit
nostro profectui pariter et honori».
CLXXIX.
Ad prelatos verborum diversitas ad copiam et ornatum.
«Beatitudinis» vel «sanctitatis vestre pedibus advolutus
indulgentiam postulo de commissis» vel «a clementia vestra
in competenti beneficio mihi postulo misericorditer provideri»;
vel «benignitati vestre me ipsum commendo, paternitati vestre
facio manifestum, vestre dominationi cupio esse notum,

Torna all'inizio