et psalmodię, prout valebat, intentus, cilitio ad carnem indutus,
aurata desuper purpura tegebatur; lecto etiam fulgentibus
palliis strato, ipse in storia de papiris compacta tenera delicati
corporis membra terebat. Promisit itaque beato Romualdo
quod imperium relinquens, monachicum susciperet habitum;
et cui innumeri mortales erant obnoxii, iam ipse pauperculo
Christo subiectus cępit esse debitor sui.
XXVI. Romualdus igitur cum eo quem prediximus
Tammo et cum Bonifatio viro clarissimo, quem nunc felicissimum
martirem se habere Russiana gloriatur ęcclesia, et cum
aliis conversis Teutonibus a Tiburis oppido ad monasterium
sancti Benedicti, quod in Cassino constitutum est monte, devenit.
Ibi nempe graviter infirmatus est, sed cito ex divina misericordia
convaluit. Habebat autem equum satis egregium, quem sibi
|
1
5
10
|