prolem, non habet culpam; quando autem fit causa concupiscentie
satiande, sed tamen cum propria coniuge, habet culpam
venialem". nichilominus autem potest habere culpam
mortalem quando scilicet concupiscentia sic est immoderata, quod
cum quacumque muliere sive cum propria sive cum aliena ipsam
expleret. unde dicit Augustinus in libro Contra Iulianum:
"Intemperatus in coniugio quid aliud nisi quidam adulter
est?". tunc autem habet culpam mortalissimam quando
vir abutitur uxore sua, unde dicit Augustinus in libro De Bono
coniugali: "Ille usus, qui est contra naturam, execrabilis fit in
meretrice, sed execrabilior in uxore". secundo iste amor debet
esse perfectus ex parte uxoris, quia uxor debet diligere virum amore
perfecto. istud autem sic ostendit sanctus Iohannes Crisostomus
dicens: "Si vir habeat uxorem, hoc modo agnoscetur plena uxoris
dilectio, quia uxor neminem debet putare sapientiorem, quam virum
|
|