Guido Faba: Summa de vitiis et virtutibus

Pag 87


.II.
INCIPIT SVMMA DE VIRTVTIBVS.
I
1 Adaperiat Dominus corda nostra qui aperuit oculos ceci nati,
et reseret labia obmutescentis, qui os Zacharie aperuit prophetantis,
et uirtus spiritus Paracliti que uenit in discipulos Domini
descendere de celorum habitaculo nunc dignetur, que rore
superne gratie nos illustret ut recto çelo et pura conscientia decorati
ei laudes reddamus omni tempore quas tenemur et repleti
suauitate uirtutum iugiter possimus in suis mirabilibus delectari.
2 Cum itaque lingua carnis consonare debeat lingue mentis et
mens nisi uite spiraculo polleat in lege Domini nequeat cogitare,
tali premisso initio quod principium est bonorum et finis ad nostrum
secure propositum accedamus.
3 In precedenti quidem parte diuina opitulante clementia de uitiis
breuiter est notatum, quare de uirtutibus supponamus quibus
mediantibus incentiuum delinquendi compescitur et creatura

Torna all'inizio