perterreat, de uestra sollicitudine curiosa, non ut de uestra morosa
desidia gaudeant, per quam in tantum uestra desideria procelantur?
Nunquid in vobis frustratoria creditis promissa deorum, qui forte
propter uicium ingratitudinis possunt in contrarium commutari?
Rumpite igitur moras vestras, soluite naues, ei uela earum eleuatis
in altum, vt festinanter contra hostes uestros iter vestrum diis
fauentibus maturetis, vt ad promissa deorum velociter et feliciter
pertingatis. " Et sic uerbis suis idem Calcas tacitus finem fecit.
Verbis igitur Calcas ab omnibus intellectis, dum omnes communiter
probant illa, Agamenon statim mandauit vt vniuersi de exercitu
per tubete sonitum moueantur quod illico naues ascendant,
ab Athenarum portu feliciter discessuri. Nec mora, ad
tubete sonitum vniversi naues ascendunt, nodatos funes exsoluunt
quibus erant naues ipse firmiter colligate, et a mari subductis
anchoris et receptis in naues, uela erigunt, que dum uentorum spiramina
imbuunt et extendunt, alto pelago se committunt. Nondum
enim se per maris spacia nauigando per xv stadia elongauerant a
partibus Athenarum, cum subito serenus aer qui nauigantibus arridebat
cecis obducitur nubibus, noctem ficticiam inducendo. Quare
mugit aer tonitruorum crebrorum in querelis, et crebre coruscaciones
noctem ficticiam repentinis suis fulgoribus conuertunt in diem,
et excolatis nubibus, immense pluuie diffunduntur. Cuius rei causa
exasperati uenti tumefacta maria montuosas erigunt in procellas.
Quare nauigantes ipsos maximus timor et tremor inuadit, dum se
videant in mortis discrimine constitutos. Sed ille Calcas Troyanus
antistes, factis suis exorcizationibus vt erat peritus in eis,
dixit se causam percipere tante cladis. Dixit enim Dyanam deam
iracundia multa commotam "pro eo quod de recessu uestro ab
Athenarum portu sibi sacrificium oblatum non extiterat a uolentibus
proficisci. " Suasit ergo Agamenoni regi ut omnes naues in
Aulidem siluam flexis uelis incontinenti diuertant, vbi in templo
quo colitur predicta Dyana ipse Agamenon sacrificium ipsi dee
|
|