mundum et observandam iusticiam et querendam salvationem alterius
mundi. Et mandavit fieri orationes et ieiunare die sabbati
quolibet mense et expugnare inimicos fidei, et dare hiis qui Dei
sunt peccuniam ut auxiliarentur per eam debiles et impotentes;
et prohibuit eos comedere carnes porcinas et zebrarum
et camelorum, et alios similes cibos. Et inhibuit eos quovis
inebriari vino, et stabilivit festivitates multas certis temporibus,
et offerre sacrificia, aliqua ex eis in introitu solis, in principio
signorum, et aliqua in prima visione lune et in coniunctione planetarum,
et etiam quando planete intrabunt domos suas proprias
et exaltationes suas, aut in aspectibus planetarum. Et offerebant
sacrificia de rebus omnibus, de floribus scilicet rosas, et
de granis ordeum et triticum, et de fructibus uvam et de potibus
vinum.
Et dixit: nemo sufficit regraciari Deo de bonis que facit
sibi. Et dixit: qui adherere voluerit sapientie et facere bona
opera, elongari debet ab ignorantia et a malis operibus sicut
bonus artifex sciens instrumenta sua qui, cum vult suere, sumit
instrumentum proprium, deserens instrumenta carpentarie, et
cum vult scribere sumit instrumentum proprium, deserens instrumenta
sutorie; eodem modo est amor huius mundi et amor
alterius: nunquam enim communicare possunt in corde uno. Et
dixit : o homo, si timeres Deum et timeres vias ducentes ad
malum, non caderes in illas. Et dixit: non te alliciat voluptas
carnalis et mundi huius dulcedo que curam de anima tua
interdicunt, nec sis sicut qui suffocatur in aqua despiciens, propter
rem ponderosam quam diligit, in fundo niti qualiter evadat
ab aqua, immo propter illam tollendam exponit se suffocationi
|
|