Noe domino altare faciens suppliciter
Meruit statim audire: Cresce multipliciter;
Ad Helisium migrabis de mundo feliciter.
Abraham super altare caram prolem obtulit;
Quam fidelis esset deo, ex hac re innotuit;
De quo virgo sine viro deum nobis protulit.
Iacob lapidem inungens erexit in titulum ;
Et vidit innixum scalę Christum, dei filium,
Qui descendit per hanc scalam ad crucis patibulum.
Salomon hedificavit templum regi glorię,
Ubi omnes purgabantur a reatu scorię;
Per quod templum est descriptus in libro memorię.
Adrianus imperator, Helius cognomine,
Edidit aulam sepulchri in eiusdem nomine.
Heliam vocavit urbem regio prenomine.
Et quis magni Constantini nescit mirabilia,
Cum apostolorum cernit mira domicilia,
Ubi lapidum vel heris sunt tanta sculptilia.
Nam in urbe Constantini, quę vocatur regia,
Per domnum Iustinianum facta est aecclesia,
Cuius opus admirantur seculorum secula.
|
|