Septem formas procuratorii ad dictas rubricas
animadverte.
a. Relevacio procuratoris secundum formam curie
romane.
In nomine domini amen.
Anno eiusdem etc. reverendus pater dominus I dei
gracia cantuariensis archyepiscopus tocius Anglie primas in
presencia mei notarii et testium subscriptorum fecit constituit
et ordinavit magistrum I de Bononia licet absentem
tamquam presentem suum procuratorem actorem defensorem
et nuncium specialem in causa seu causis, quam
vel quas habet vel habiturus est cum preclaro viro domino
Rogone de Clara super tali re, in romana curia vel alibi
ubicunque, coram quocunque iudice vel auditore, dato vel
dando, ad agendum et defendendum, litem contestandum,
iuramentum calumpnie seu de veritate dicenda et cuiuslibet
alterius generis in animam suam prestandi, excepciones
cuiuscunque generis proponendi, testes et instrumenta
producendi, alterius partis testes iurare videndum, sentenciam
audiendum, appellandum et appellacionem, prosequendi,
beneficium absolucionis si opus fuerit et
restitucionis in integrum inplorandi, alium vel alios
procuratores loco sui substituendi et revocandi, et generaliter
ad omnia et singula facienda et exercenda que ipsemet
facere et exercere posset si personaliter interesset, promittens
se firmum et ratum perpetuis temporibus habiturum
quidquid per dictum eius procuratorem substitutum
vel substitutos ab eo factum fuerit in premissis et
quolibet premissorum.
Insuper volens dictum suum procuratorem et substitutum
vel substitutos ab eo relevare ab omni onere satisdandi,
promisit mihi notario stipulanti nomine et vice domini
|
|