Guido Faba: Dictamina rhetorica

95


pape cappellanus cum dilectione salutem. Universitati vestre
P. latorem presentium nostrum nuntium commendamus, quem
in Angliam mittimus pro nostris negotiis faciendis; discretionem
vestram obnixis precibus exorantes, ut eum amore nostro sic
velitis recipere et, ipsi in necessariis providere, quod
propterea futuris temporibus obligemur ad vestra servitia et
honores.
CLXXXVIII.
Littera procuratoris constituti.
Pateat omnibus tam presentibus quam futuris quod ego
Iacobus Guidonis de Lambertino Bononiensis canonicus facio
et constituo magistrum G. eiusdem ecclesie canonicum meum
procuratorem et nuntium specialem, ad prebendam meam ipsius
loci mea vice, loco, et nomine procurandam. Ad evidentiam
cuius rei manu mea propria litteras has conscripsi, faciens eas
nihilominus sigillo proprio confirmari.
CLXXXVIIII.
Littera dimissoria.
Universis sancte matris Ecclesie filiis ad quorum audientiam
littere presentes advenerint, talis episcopus salutem
in Domino Ihesu Christo. Sanctorum patrum statute servantes,
B. presentium portitori quem ad ordinem sacerdotalem promovimus,
litteras dimissorias concessimus postulanti, pro ipso
testimonium perhibentes, quod litteratus sit, discretus et honestus
et in fide Christi catholicus et devotus. Unde caritatem
vestram rogamus et in Domino exhortamur, ut cum dictus B.
ad vos venerit, eum uti officio suo libere permittatis, super
impetitione ordinis sibi nullum obstaculum imponentes.

Torna all'inizio