quam agnovit, famae pristinae de Imperiali clementia,
restitutionis beneficium in integrum
consequatur. Incipiunt Capitula constitutionis
contra Patarenos, Speronistas, Leonistas,
Arrianistas, Circumcisos, Passiginos,
Ioseppinos, Carracentes, Albanenses, Franciscos,
Bannaroles, Comistas, Valdenses,
Burgaros, Commimellos, Barrinos,
et Ortolevos, et cum illis de Aqua
nigra, et omnes haereticos utriusque sexus,
quocunque nomine censeantur, perpetua damnamus
infamia, diffidamus atque bannimus:
censentes, ut bona talium confiscentur, nec ad
eos ulterius revertantur: ita, quod filii ad eorum
successiones pervenire non possint, cum
longe sit gravius aeternam quam temporalem
offendere maiestatem. Qui autem inventi fuerint
sola suspicione notabiles, nisi ad mandatum
Ecclesiae, iuxta considerationem suspicionis,
qualitatem personae, propriam innocentiam,
propria purgatione monstrarint, tanquam
infames, et banniti ab omnibus habeantur:
ita, quod sic banniti per annum permanserint,
extunc eos sicut haereticos condemnamus.
Statuimus etiam hoc edicto, in perpetuum
valituro, ut potestates et consules, seu
rectores, quibuscunque fungantur officiis, quod
pro defensione fidei praestent publice iuramentum,
quod de terris sui iurisdictioni, subiectis,