Saba Malaspina: Rerum Sicularum libri

Pag 382


exercitus, caepit languere febribus, et
extingui, quasi majori exercitus epidemia laboraret.
Sicque dictus Petrus comes, cujus merita
quandam placibilitatem caeteris, qui eum
noverant, aut viderant, vel nominari audiverant,
effectuabant, sub velo tentorii continuata
febre gravatus, cujus tota vita delicatissima erat
et placida, in dicto plano Sancti Martini dies
suos, proh dolor, intempestivae mortis insidiis,
florente juventute, finivit.
CAP. VII
PRINCEPS MUTAT CAMPUM.
Tandem cum, deficientibus victualibus et annona,
fames superveniens opes Gallicorum attenuasset,
desertamque pro equis maxime paterentur,
cum non invenirentur potissime foragina,
nec haerba pratorum, necessitate cogente,
Gallici ad lata illius plani faecunda pro pascendis
equis manus illassant, omnibus illis contratae
sectis in haerba segetibus, et consumptis.
Princeps venit Nicoteram, plano dimisso, totusque
suus exercitus juxta littus maris per constructa
mapalia levia, et figura fluvialium fruticum,
et paladinorum arborum ramis tecta se
ponit; ibique octo magna corpora galearum jubet
refici et parari, quas olim rex pater Tertianatui
Nicoterae mandaverat colligari.
Post haec rex Carolus, XXVII galeas electissima
bellatorum gente armatas, de Provincia
mittit in regnum pro custodia maris potissime,
cujus Catalani occupaverant dominatum, post
quarum adventum regnicolae quandam securitatem
assumentes, de Principatu, et de Terra Laboris
ad exercitum principis navigare securi, et
victualia transportare. Sed postmodum dictae
galeae ad subveniendum castellano insulae Maltae,
quae per XXX leucas a Sicilia distat, et ad
muniendum castrum ipsius insulae victualibus,
et gentis amplioris numero dirigantur, quas Catalani
et Siculi, cum jam apud Maltam accessisse
agnoscerent, eas fere cum pari galearum
numero insequuntur, cumque jam attingunt eisdem,
illas cum proris ad instar arietis ferro conjectis
remis impellunt, feriunt , et invadunt.
CAP. VIII
DEBELLATIO ET CAPTATIO GALEARUM.
Junguntur ergo ex adverso galeae, bellum superstantes
aggrediuntur, hinc inde pugnatur aspere,
per utrosque saxa demissa volant, et faces
ignis penniferi, fulminantur missilia, et lanceae
jaculantur acutae, franguntur remi, et temones
sine gubernatione vagantur; haec dat locum ponto,
alia galea nuda superante promergitur, fitque
tanta nautarum et superstantium caedes

Torna all'inizio