: Assise regum regni Sicilie

Pag 56


fraudari, quin pro commisso bonorum omnium iactura ipsum afficiat,
quanto amplius dampnandum censemus si compatris et vicini thorum violare presumpserit. Intolerabile prorsus de iure videtur. Sanccimus itaque
si de tali facto nobis aliquando fuerit proclamatum,manifestum fuerit, vel
probatum, bonorum omnium mulctatione plectendum.
Si maritus uxorem in ipso actu adulterii deprehenderit, tam uxorem,
quam adulterum occidere licebit, nulla tamen mora protracta.
XXXI. De adulterio
Lex maritum lenocinii pena cohercet, qui uxorem in adulterio
deprehensam, retinuerit, adulterumque dimiserit, nisi forte sine sua culpa
ille diffugit.
XXXII. De desistendibus ab accusatione
Qui post crimen adulterii intentatum uxorem receperit, destitisse
videtur ab accusatione ideoque suscitare qustionem ultra non poterit.
XXXIII. De iniuriis privatis personis illatis
Quod iuri et rationi est consentaneum satis iure cunctis est gratum,
et quod a ratione equitatis dicrepat, universis ingratitudinem representat.
Nulli igitur mirum si quod in homine deus carius et dignius posuerit, cum
negligitur atque despicitur, et inprobo iudicio vilipenditur, sapiens et honestatis
amicus rationabiliter indignatur. Quid enim absurdius quam equa
lance pensari ubi iumenti cauda decerpitur, et ubi honestissimi viri barba
depilatur.
Pro suggestione ergo populi nostro regno subiecti atque supplicatione
legum suarum ineptitudinem cognoscentis hanc legem et edictum
proponimus. Ut cuicumque de popularibus excusato, tamen et deliberatione
barba fuerit depilata, reus talis commissi pena huiusmodi feriatur
solidis aureis scilicet regiis sex; si vero in rixa factum fuerit, sine
deliberatione et studio, de eisdem sol. III.

Torna all'inizio