sequentur vestigia et sub vestra fortitudine et virtute
debellabunt barbaricas nationes.
CLXXXXV.
De rege ad regem.
Inclyto et preclaro viro domino C. Dei gratia illustri
regi Anglie B. eadem gratia rex Hungarie salutem et totius
felicitatis augmentum. Excellentia vestri nominis et laudes et
preconia vestre magnifice bonitatis nos inducunt multipliciter
et hortantur, ut serenitati vestre desiderabili amicitie vinculo
copulemur, nostrum filium P. vestre filie domine B. matrimoniali
federe copulando. Ideoque vestra, si placet, altitudo
rescribat, ut sciamus si vestra descriptio nostre consonat
voluntati.
CLXXXXVI.
Responsiva ad predictam.
Tam ex preambulo vestre salutationis eloquio, quam
ex laudabili narratione sequenti, amicitie connectende vidimus
qualitatem; de qua si prescii fuissemus, non essemus ultimi
in quo debuimus anteire. Ne igitur nos mora prepediat,
quandocumque placuerit, parati sumus nostrum commune desiderium
adimplere.
CLXXXXVII.
De duce ad ducem.
Preclaro ac magnifico viro domino P. Ziani, Venetie,
Dalmatie, Croatie, dimidie nec non et quarte partis Romani
|
|