Pag 181

que fecit et ibi in ipso colloquio cum toto suo exercitu
Romam ire disposuit. Itaque episcopi, marchiones, comites,
capitanei aliique etiam proceres ac quam plures etiam alii
Longobardie homines tam magni quam etiam parvi, alii cum
crucibus alii sine crucibus ante imperatorem venientes, de
predictis imperatoris procuratoribus ac missis valde conqueruntur
et mala ab illis ipsis illata, sicut eis facta fuerant,
imperatori eiusque curie per ordinem referunt. Imperator
namque hoc audiens multum se inde condolere in principio
demonstravit; sed tamen in fine querimonias Longobardorum
quasi vilipendens ac pro nihilo habens nihil inde fecit. Igitur
Longobardi hoc videntes ac maximum dolorem exinde reportantes
quasi pro mortuis se habuere ac exinde maximum timorem
mixtum cum dolore habere ceperunt; timentes etiam ac
putantes imperatoris procuratores consilio et voluntate imperatoris
hoc, quod super Longobardos egerant, fecisse; insuper
etiam magis timentes, ne in posterum eis deterius contingeret,
quam retro adhuc contigisset.
Colloquio itaque separato imperator sua coniuge Laude
relicta ad exercitum rediit. Ac post paucum tempus Laude
cum toto suo exercitu revertens, deinde Papiam perrexit;