Erunt igitur cursuum hec exempla.
a) Exemplum trisillabi cursus
Ex actibus vestris aperte notatur, quod estis iudex iustus et rectus,
vel in quoslibet tam alti sanguinis gloria.
Nam geminarum dictionum finalium primi cursus utraque penultima
producitur, ut notatur aperte; finalium secundi cursus utraque penultima
breviatur, ut sanguinis gloria.
b) Exemplum quadrisillabi cursus
Ex actibus vestris manifeste colligitur vel colligitur manifeste,
quod iustitia vos illustrat et illuminat rectitudo; vel si eloquentia sapientiam
venustatis impendio locupletat, non immerito debet quilibet
ipsa carens ipsius ad pabula properare, que novit etiam causis invalidis
dare robur.
Exemplum cursus monosillabarum et bisillabarum componderantium
|
565
570
|