multosque homines oppressit. Ronsem totam cum eius hominibus submersit.
Preterea Rome defuncto papa Benedicto, Iohannes papa sedit mensibus VIIII. Hic autem
in castello sancti Angeli retrusus et per menses IV fame afflictus mortuus est. Et iterum
superior Bonifacius qui expulsus fuerat sedit mensibus XI. Quo uita decedente Iohannes
sedit mensibus IIII. Post quem alius Iohannes sedit annis X mensibus VI. Cuius temporibus
Romani capitanei patriciatus sibi tirannidem uendicauere.
Anno dominice incarnationis DCCCCXCIIIJ in Apulia ciuitas Matere a Sarracenis destructa
est.
Anno dominice incarnationis DCCCCXCVIJ. Ugo dux Francorum obiit sepultusque est
in basilica beati Dionisii martiris Parisius. Cui successit filius eius Robbertus rex qui pius
fuit et modestus. Hic autem post mortem patris regnauit annis XXIII. Per idem tempus
Mel catipanus primum in Apuliam conduxit Normannos quo secum habens bellum cum
Grecis in Apulia apud Basentellum commisit, et non multo post temporis ipse Mel ciuitatem
Ascolum cepit.
|
|