Iohannes de Procida (attr.): Liber philosophorum moralium antiquorum

Pag 404


et perdit se cum illa. Et dixit: non cognoscunt homines excellentiam
Dei nisi quia eos conduxit ad suam servitutem per prophetas
suos dilectos, qui locuti sunt per spiritum sanctum, qui
eos duxerunt ad Dei mandata et observanciam legum eius, et incedere
vias que placeant ei, que ducant ad eternam vitam et gaudia
sempiterna. Et dixit: non exaltetis clamores ad Deum cum ignorantia
nec cum voluntatibus corruptis, nec sitis ei inobedientes et
prevaricatores sue legis; nec velit aliquis vestrum id facere
socio quod nolit per alium sibi fieri. Et sitis concordes et diligentes
vos ipsos invicem, et utamini ieiuniis et orationibus cum
voluntatibus puris et mundis, et conemini ad opera bona, dantes
debita Deo complete. Et sitis humiles vitantes superbiam ita quod
producant bonos fructus opera vestra; et elongetis vos a societate
latronum et fornicatorum et utentium malis operibus. Et dixit:
ne sitis periuri, adhereatis veritati, et ait verbum vestrum
sic, sic, et non, non. Nec iurare faciatis mendeces quia participes
eritis peccatorum quando scietis eos peccasse. Commendetis
vos Deo qui scit secreta et iudicabit vos in equitate, die
quo remunerabit bonos pro bonis operibus, et facientes mala pro
malis puniet. Et dixit: sciatis pro certo quod timor Dei est maior
sapientia et maior delectatio et est ille a quo fluit omne bonum
et aperit portas intellectus et sensus. Deus enim quia dilexit
servos suos dedit eis discrecionem et statuit proprios prophetas
et ministros perfusos spiritu sancto, patefaciens eis secreta
legis et veritatem sapientie eo quod vitent errorem et sequantur
rectum. Et dixit: utamini sapientia et prosequamini legem et
assuescatis mansuetudine et ornetis vos bonis documentis, et
cogitetis bene in vestris rebus non vos precipitantes in eis, et
multo magis in puniendis malefactoribus, et caveatis ut non

Torna all'inizio