accessus illos, quos reddunt meabiles precisa saxa inexpugnabilis
opidi Bardi. Per hos ducentes Langobardorum
exercitum Iovii montis ardua iuga transcendunt; sicque
vehementi irruptione terram ingredientes ad cesarem usque
perveniunt. Cumque nequirent Burgundiones resistere,
deditionem accelerant perpetua subiectionis condictione
Chuonrado substracti. Et factum est, ut in magna gloria
reverterentur omnes ad propria.
9. Per idem tempus mense Iunio, in die sanctorum Petri et
Pauli, fervente meridie eclybsis solis apparuit tribus horis
mundo inducens tenebras. Tempore post alio visa est noctu
luna colore fuscata sanguineo.
|
|