simulque parati vivere, precipue Laudenses recentis iniurie
memores.
[11.] Archiepiscopus autem collecto undecumque potuit
agmine, non tamen absque suis fidelibus nititur insequi et universos
opprimere. Cumque reniti presumerent, conveniunt
in campo, qui dicebatur Malus ab evo recteque malus, quoniam
humano fuerat cruore rigandus. Ibi comisso campestri
certamine facta est strages magna interfectorum partis
utriusque. Inter quos dum incederet medius, iam dictus
Astensis configitur episcopus, pars denique maxima belli.
Cuius interitus certaminis factus est terminus. Hic amisso
tanto fratre confusus, illi autem occiso tanto hoste securi,
recedentes a pugna diverterunt ad propria.
|
|