Guido de Columnis: Historia destructionis Troiae

Pag 272


tu<n>c ad memoriam suam reducit letalem sui sompnii uisionem,
Thelagonus uero ad interrogacionem Vlixis a circumstantibus querit
quis ille sit qui ipsum interrogat. Dicunt ei Vlixem esse. Quo
audito, Thelagonus anxius exclamat dicens: "Ve michi! Veni uidere
patrem meum ut eo uiuente letarer cum eo, et nunc factus sum
occasio mortis eius. " et statim pre dolore nimio in terram cecidit
ueluti semiuiuus. Demum a terra consurgens, laniatis uestibus,
cum esset inermis, faciem suam pugnis contundit in lacrimis et a
suo uertice flauos capillos euellit. Prostratus itaque ad pedes Vlixis s
e dirigit, in singultibus lacrimarum dicit se esse Thelagonum infelicem
Circes filium, "quem tu, Vlixes pater mi, ex ea infeliciter
suscepisti. Si morieris, kare pater, dii faueant ut tecum moriar
et post te me viuere non permittant. " Vlixes uero agnouit eum
suum esse filium ex Circe, blanditus est ei in sui corporis debilitate
maxima in qua erat, et mandat fractis eloquiis ut a lacrimis abstineat
et a dolore. Pro Thelamaco filio suo mittit, qui ueniens in
Thelagonum querit irruere, quasi necem patris auidus uindicare.
Sed Vlixes uerbis et nutu ut potuit Thelamaco inhibet ne insurgat
in ipsum, ymo ut eum carum habeat utpote fratrem suum.
Ducitur ergo Vlixes in Acayam fere mortuus, ubi triduo tantum
uixit et post triduum expirauit, qui in Achaya honore regio sepelitur.
Post cuius mortem statim Thelamacus paterni regni fuit assumptus
in regem. Thelagonum fratrem suum multo fouet honore,
per annum vnum et dimidium detinuit eum secum, in honore
maximo fecit eum militem. Retinere uoluit eum magis, sed
Thelagonus matris sollicitatus ad litteras, ut matri satisfaciat,
inuitus recedit a fratre. In cuius recessu Thelamacus multum eum
donis et muneribus honorauit et omni eo quod faceret ad apparatum
recessus ipsius. Recessit ergo Thelagonus a fratre suo Thelemaco
in multis lacrimis defluentibus ab utroque. Qui post recessum eius
in Aulidem insulam ad matrem sanus applicuit. De cuius reditu
et aduentu ultra modum mater facta est ylaris, que multum fuerat
de filio curiosa propter tanta fatorum discrimina que sic infeliciter
emerserunt, prout ipsa preuiderat in arte sua. Non post multos
autem dies Circes letaliter egrotauit. De qua egritudine uiolenter

Torna all'inizio