Iohannes de Procida (attr.): Liber philosophorum moralium antiquorum

Pag 554


qui regnavit post Adrianum, ubi composuit anothomie librum
et multos alios tractatus, Cessi, alterius magistri sui, auditor
existens. Et composuit eamdem anothomiam ibidem,
coram Yvavio. Et Odinus philosophus de viatorum secta,
sepe conferebat se ad eum, et etiam Alexander Damacenus
qui tunc erat statutus ibidem ad demonstrandam sapienciam iuxta
viatorum opiniones. Et dicebatur ibi quod multi libri Galieni
cremati fuerant in quadam villa in qua libri conservabantur,
inter quos libros fuerant quidam libri de littera Aristotilis scripti,
et alii Anexagore, et etiam Andromachi, et quidam liber
quem edidit Ruffus, de tyriacis et toxicis. Et reges grecorum
vias asperas erant soliciti aplanare, valles replere, montes rumpere
et facile [incessibile] facere, pontes construere, fortes
muros hedificare, et rivos facere unde expediebat. Et multum
laborabant inimicos opprimere, et eorum dominio subicere, et
conabantur magis ad gubernacionem regnorum quam ad oblectamenta
corporum propriorum, habentes nichilominus ingentem appetitum
ad sciencias et specialiter medicine. Et statuebat quilibet
eorum in singulis regionibus homines notos ad inveniendas et
colligendas herbas que reperiebantur ibidem; quas inventas, sub
sigillo mittebant ut sophisticari non possent; quibus ad regem
perventis, rex, ut experirentur, medicis assignabat et, eis expertis

Torna all'inizio