ad omne significatum speciale pertinet.
Unde a sua impositione habet aptitudinem
ut possit representare omnem rem
veram vel existentem in anima, significatam
per vocabulum quod refert vel demonstrat
ipsum pronomen. Et hoc est
idem dicere, quod pronomen idem significat,
quod refert vel demonstrat.
Si secundo modo queratur questio, scilicet
quid pronomen significet de modo
significandi essentiali generali, dicendum
quod, quia pronomen inventum est
ut habeat modum illius de quo
aliud enuntiatur, ideo significat substantiam
et per modum permanentis. Et quia
pronomen ponitur pro omni nomine de
suo significato speciali, tam pro nomine
communi quam proprio, ideo impositor
videns istam generalitatem significati
istius specialis, imposuit sibi talem modum
significandi conformem sibi, idest
modum indeterminatum non specificatum
aliqua qualitate propria vel communi,
quia quodlibet pronomen potest
pro omni nomine accipi. Sed si pronomen
aliquam haberet qualitatem propriam,
iam non posset accipi nisi pro propriis
nominibus. Similiter < si > pronomen . . .
haberet communem qualitatem, solum
pro nomine communi poneretur. Propter
hoc iste modus permanentis, qui est in
pronomine, non est determinatus aliqua
|
|