condempnant canonico iudicii sui litteras Mediolanensibus
super illo mittentes. Qua elatus Arlembaldus fiducia
acrius insurgit non solum in illum, verum etiam fautores
in omnes universa flamis ac ferro demoliens. Contra quem
etiam per vicos et castella multorum exaggerat sacramenta.
Unde fit, ut si quando de facultatibus ecclesie aliquid
presumere nititur, ab omnibus penitus interdicatur. Ubi
vero Sancte Marie conscendit montem circumveniente ab
urbe exercitu, noctu vix fuga lapsus evasit. Interea Vuido
fatebatur se Gotefredi delusum insidiis communis pacti
transgressorem illum appellans. Qui cum amissum resummere
vellet honorem, cum Arlembaldo pacis federa sociavit.
O mens ceca mortalium. Veniens enim illo duce Mediolanum,
non ad urbem, ut voluit, set ad sancti Celsi ducitur
|
|