fugantes Teutonicos atque Laudenses fere totam predam,
quam habuerant, iterum recuperaverunt, plerisque de Teutonicis
ac Laudensibus captis et uno bellicosissimo milite imperatricis
occiso. Et prope ecelesiam sancti Martini de Cassetis
utraque acies inter se diu dimicavere; et neutra parte
super alteram plenarie currere audente, utpote se invicem
timentibus, prelium tandem diremptum est.
Imperator autem Laude hyemans noctu dieque tam
Laudenses quam Teutonicos stratas custodire facit, per quas
a Brixia et a Placentia solita fuerant victualia Mediolanensibus
afferri. Et si qui mercatum aliquod Mediolanum deferre
inveniebantur, dextre manus amputabantur eis. Adeoque
detenti sunt Mediolanenses et Brixienses ac Placentini — tum
quia strate, per quas ire consueverant, a Papiensibus et ab
his, qui morabantur apud Mombrionem, ac a Laudensibus
et equitibus imperatoris Laude habitantibus et a Marchoardo
assidue custodiebantur, tum etiam quia manus amputabantur
his, qui mercatum inveniebantur Mediolanensibus afferre —,
quod ad se invicem proficisci minime audebant. Et ad tantam
inopiam devenerunt Mediolanenses victualium, quod in stario
salis dabant solidos duodecim denariorum Mediolanensium
|
1
5
10
15
20
|