in sacrificium non requirit, sed primitias eius in donariis non recusat. Si
quid autem corrigendum invenit, non malitie sed occupationi contra saltationem
et ignorantie deputetur. Huius autem laboris sollicitudinem suscipiendi
hec causa fuit: quoniam et prodesse modicum simplicibus et otium
repellere cogitabam, quoniam otiositas in religione sepe vitulum nutrit
quem mulieres Hebreorum abi<e>ctis aurium ornamentis efficiunt, quandoque
accidiam. Unde Hieronymus: aliquid operis semper facito ut diabolus
te inveniat occupatum » . Si quid utilitatis in hoc libro inveniatur Ecclesie
acceptum, non mihi sed fratrum orationibus pro quibus principaliter in
hoc opere laboravi, et Domino tribuatur. In unoquoque autem volumine
capitulorum distinctiones et questionum prolixarum, non minutarum, descripsimus,
ut quid velint sine difficultate et in quo loco inveniant.
QUESTIONES MAGISTRI ROLANDI SUPER QUATTUOR LIBROS
SENTENTIARUM
An sit principium rerum unum an plura et quod sit subiectum theologie
et qualiter alie artes se habeant ad illam.
Antequam ad occulta Scripturarum procedamus tres questiones ponuntur
in principio, scilicet an sit unum principium rerum an plura; secunda
questio: quod sit subiectum theologie; tertia: qualiter alie artes se
|
25
30
35
40
|