potens et dives, quem subito comedentem innumerabilis murium
multitudo vallavit et ipsum rodere et comedere cepit.
quocumque autem ille ibat, semper ipsum multitudo murium
sequebatur et nullum alium contingebant. ille igitur barcham
ascendens, mare intravit, sed mures in mare precipites se dabant,
ipsum similiter insequentes. tandem ad terram rediens, ab
ipsis muribus penitus est comestus. que autem sit causa
quare mures istum hominem tam crudeliter persequebantur ignoramus,
quia Dei iudicia sunt nimis profunda. iudicia quidem
Dei aliquando sunt manifesta, aliquando oculta, semper tamen
sunt iusta. forte iste homo potens et dives multos alios corroserat
vel famam eorum lacerando, vel bona ipsorum rapiendo, vel personales
iniurias inferendo. et ideo sicut alios vivos corroserat,
iustum fuit ut ipse vivus a muribus corroderetur, ut
compleatur quod dicitur in libro Sapiencie: "Per que
peccat quis, per hec torquetur". legitur quoque in Veteri
Testamento quod Deus Egiptios superbos per vilissima animalia
voluit punire, sicut per multitudinem ranarum, per sinifes
et per muscas caninas; ut ipsi, videntes se tam vilissimis
|
|